સોફ્ટવેર એન્જિનિયર્સને લાગુ પડતી કે સંબંધિત કહેવતો: LOL

• કોડ કરે તેનું CV વેચાય (બોલે તેનાં બોર વેચાય).
• જેવો પ્રોજેક્ટ, તેવો
  કોડ (જેવો દેશ, તેવો વેશ).
• પ્રોજેક્ટ મેનેજર કોડ કરે નહી ને, ડેવલોપરને
  શિખામણ આપે (ગાંડી સાસરે જાય નહી ને, ડાહ્યીને શિખામણ આપે).
• QA ને માથે
  કોડ (ગાંડીને માથે બેડું).
• પ્રોજેક્ટ મેનેજર કરતાં ડેવલોપર્સ ડાહ્યા
  (કુંભાર કરતાં ગધેડાં ડાહ્યા).
• કોણે કહ્યું હતું, બેટા, સોફ્ટવેર
  એન્જિનિયર બનજો? (કોણે કહ્યું હતું, બેટા, બાવળે ચડજો?).
• એક લાઇનની
  કોમેન્ટ માટે આખું સોફ્ટવેર કમ્પાઇલ કરવું (અડધા પાપડ માટે નાત જમાડવી).
• ડેવલોપર માત્ર બગને પાત્ર (માણસ માત્ર ભૂલને પાત્ર).
• સો દિવસ પ્રોજેક્ટ
  મેનેજરનાં, એક દિવસ ડેવલોપર્સનો (સો દાડા સાસુનાં, એક દાડો વહુનો).
• પ્રોજેક્ટ
  ક્રેશનો ભોગ બનેલો કોમેન્ટ્સનું પણ બેકઅપ લે.(દુધનો દાઝ્યો છાસ પણ ફુકી ફુકીને
  પીવે.)
• એક્સેપ્શન કાઢતા બગ પેઠો.(બકરુ કાઢતા ઉંટ પેઠુ)
• ડેસ્કટોપ
  પર ફાઇલ ને સર્ચએન્જિનમાં શોધાશોધ.(કેડમાં છોકરું ને ગામમાં ઢંઢેરો…પ્રેરણા -
  જુ.કિ. દાદા)
• ઝાઝા પ્રોગ્રામર કોડ બગાડે.(ઝાઝા રસોઇયા રસોઇ બગાડે)